50 சவரனில் திருப்பதி ஏழுமலையான்.. கழுத்தில் அணிந்து வந்த குடும்பத்தின் வைரல் போட்டோஸ்..

திருப்பதி ஏழுமலையான் கோயிலுக்கு தினசரி ஆயிரக்கணக்கான பக்தர்கள் வருவது வழக்கம். ஏழுமலையான் மீது கொண்ட பற்றால் பக்தர்கள் சிலர் ஏழுமலையான் புகைப்படத்தை டாட்டூ போட்டு கொள்வார்கள். அப்படி பலரும் பலவிதமாக ஏழுமலையானை தரிசிக்கின்றனர்.

அந்த வகையில் கடந்த சில நாட்களுக்கு முன் மருத்துவர் கீதப்பிரியா புடவை ப்ளவுஸில் ஏழுமலையான் உருவத்தை பொறித்து அனைவரின் கவனத்தையும் ஈர்த்தார்.

இந்த நிலையில், மத்திய பிரதேசத்தை சேர்ந்த சோனி நானுராம் தய்ராம் என்ற பக்தர், தனது குடும்பத்துடன் ஏழுமலையானை தரிசிக்க திருப்பதிக்கு சென்றிருந்தார்.

அவர் குடும்பத்தோடு கழுத்தில் தங்கத்தில் ஏழுமலையான், லட்சுமி உருவத்துடன் கூடிய டாலரை கழுத்தில் அணிந்திருந்தனர்.

பல பலவென தங்க நிறத்தில் இவர்களின் கழுத்தில் மின்னும் ஏழுமலையான் பலரையும் திரும்பி பார்க்க செய்தது.

இவர்கள் குடும்பத்துடன் அணிந்திருக்கும் இந்த நகையின் எடை 30 முதல் 50 சவரன் ஆகும்.

உங்கள் கருதுங்களை இங்கே சொல்லுங்கள்