‘வெளிநாடு வேலை வேண்டாம்’ இயற்கை விவசாயத்தில் லட்சக்கணக்கில் சம்பாதிக்கும் இளம்பெண்

‘வெளிநாடு வேலை வேண்டாம்’ இயற்கை விவசாயத்தில் லட்சக்கணக்கில் சம்பாதிக்கும் இளம்பெண்

கூகிள் செய்தியிலும் எங்கள் செய்தியை படிக்கலாம் Follow Now

பழனியை சேர்ந்தவர் இளம் பெண் அன்னபூரணி. விவசாயக் குடும்பத்தில் பிறந்த அன்னபூரணி சின்ன வயதிலிருந்தே வீட்டிலிருந்த ஆடு, மாடுகள் மற்றும் விவசாயத்தின் மீது ஆர்வமுடன் இருந்து வந்துள்ளார். ஸ்கூலில்யில் நன்றாக படித்ததன் காரணமாக காலேஜ்யில் சேர்ந்து மென் பொறியாளர் பட்டப்படிப்பையும், MBA என்ற வணிக மேலாண்மை படிப்பையும் முடித்துள்ளார்.

சென்னை, பெங்களூரு போன்ற இடங்களில் இருந்து வேலைவாய்ப்புக்கள் அன்னபூரணிக்கு கிடைத்துள்ளது. இருந்தபோதும் விவசாயம் மற்றும் கால்நடைகள் மீது இருந்த ஆர்வத்தின் காரணமாக கிடைத்த வேலைகளை தொடராமல் விவசாயம் சார்ந்த தொழிலில் ஈடுபட வேண்டும் என முடிவு செய்துள்ளார்.

தங்கள் வீடுகளில் வளர்த்து வந்த மாடுகளுக்குத் தேவையான தீவனங்கள் கிடைக்காத நிலை ஏற்பட்டபோது மாடுகளுக்கு இயற்கையான சத்து உள்ள தீவனம் கொடுக்க வேண்டும் என்ற முயற்சியில் அன்னபூரணி ஈடுபட்டுள்ளார்.

அதன் தொடர்ச்சியாக இயற்கையாகக் கிடைக்கக்கூடிய கம்பு, சோளம் ,அரிசி, கோதுமை உள்ளிட்ட சின்ன தானிய மாவு வகைகள், கடலை, துவரை, உளுந்து, வரகு, குதிரைவாலி உள்ளிட்ட பொட்டு வகைகள், தவிடு வகைகள் என 13 வகையான உணவுப் பொருட்களை கொண்டு மாடுகளுக்கு சத்தான உணவு கிடைக்கும் வகையில் தீவனம் ஒன்றை தயார் செய்துள்ளார்.

அதனை தங்கள் வீட்டில் வளர்த்து வந்த மாடுகளுக்கு கொடுத்தபோது நல்ல பலன் கிடைத்துள்ளது. மாடுகள் ஆரோக்கியத்துடன், அதிக பாலையும் கொடுக்கக்கூடிய நிலை ஏற்பட்டுள்ளது. தான் உருவாக்கிய இயற்கைத் தீவனத்தால் மாடுகளுக்கு நல்ல பலன் கிடைப்பதை உணர்ந்த அன்னபூரணி அருகில் உள்ள மற்றவர்களுக்கும் இந்த தீவனத்தை கொடுத்து சிறிய அளவில் தனது இயற்கை தீவன தொழிலை துவங்கியுள்ளார்.

வணிக மேலாண்மை படிப்பை முடித்திருந்த அன்னபூரணி தனது இயற்கைத் தீவனம் தொழிலை தமிழகம் முழுவதும் விரிவுபடுத்த எண்ணி சிறிய அளவில் தொழிற்சாலை அமைத்து தமிழகம் முழுவதற்கும் இயற்கை தீவனத்தை அனுப்பி விற்பனை செய்து வருகிறார்.

தற்போது தனது இயற்கை தீவனத்திற்கு நல்ல வரவேற்பு கிடைத்ததன் காரணமாக கேரளா, பெங்களூர் போன்ற வெளி மாநிலங்களுக்கும் அனுப்பி லட்சக்கணக்கான ரூபாய் லாபம் ஈட்டிக் இளம் பெண் தொழில் அதிபராக வலம் வருகிறார்.

ஏசி அறையில் அமர்ந்துகொண்டு கம்ப்யூட்டர் முன்பு வேலை செய்யும்போது கிடைக்காத மன நிறைவு, தனக்கு பிடித்த விவசாயம் சார்ந்த தொழிலில் ஈடுபட்டு உள்ளதால் கிடைத்துள்ளதாகவும், தமிழகத்தைச் சேர்ந்த படித்த இளைஞர்கள் விவசாயம் மற்றும் விவசாயம் சார்ந்த தொழில்களில் தன்னைபோன்று ஈடுபட வேண்டும் என அவர் வேண்டுகோள் விடுத்துள்ளார். இயற்கை தீவன ஆராய்ச்சியில் ஈடுபட்டு லட்சக்கணக்கில் சம்பாதித்து அசத்திவரும் அன்னபூரணிக்கு பலரும் பாராட்டுக்களைத் தெரிவித்து வருகின்றனர்.

இதுபோன்ற சிறப்பான , தரமான செய்திகளை டெலிக்ராம் மூலம் தெரிந்துகொள்ள எங்களுடன் இணைந்திருங்கள் Join Now

கூகிள் செய்தியிலும் எங்கள் செய்தியை படிக்கலாம் Follow Now

Related articles

கருத்தை சொல்லுங்கள் ...

error: Content is protected !!